Svarhólf geymir upplýsingar eða skilaboð sem svarhólfseigandi vill koma á framfæri, en sá sem hringir getur ekki skilið eftir skilaboð. Upplýsingarnar eru lesnar upp þrisvar sinnum. Svarhólfseigandi getur annað hvort látið símanotendur hringja beint í svarhólf sitt eða flutt viðkomandi símtöl í svarhólf með símtalsflutningi.

Talhólf tekur á móti skilaboðum þegar ekki er svarað í símann, hann er á tali, slökkt á honum eða síminn utan þjónustusvæðis. Þú færð svo SMS þegar ný skilaboð berast.

Til að hlusta á skilaboðin í talhólfinu þínu, hringirðu í gjaldfrjálst númer 1411 úr símanum. Til að hlusta á skilaboð úr öðrum farsíma eða talsímanúmeri hringir þú í +3548800100 og slærð inn GSM númer og því næst #lykilnúmer#.

Til að geta notað talhólfið þarf að setja það upp og gera símtalsflutning virkan. Talvél fylgir þér í gegnum talhólfið með einföldum leiðbeiningum. Til að setja upp talhólfið er hringt í 1411 fyrir farsíma- og fastlínunúmer og þá heyrir þú sérstaka kynningu fyrir nýja notendur. Í kynningunni ertu beðin um að velja nýtt lykilnúmer og lesa inn símsvarakveðju.

Nýtt lykilorð
Lykilorðið á að vera fjórir tölustafir.

• Sláðu inn lykilnúmer þitt og þá er nýtt lykilnúmer er lesið upp.
• Þú slærð inn lykilnúmerið þegar þú hringir úr öðrum síma en talhólfið er tengt við, annars þarf ekki að slá inn lykilnúmer.

Símsvarakveðja
Næst lestu inn símsvarakveðjuna þína. Það er sú kveðja sem aðrir heyra sem hringja í talhólfið td „þetta er hjá Jóni, ég er ekki við í augnablikinu“

• Símsvarakveðjan þín getur verið allt að 30 sekúndur að lengd.
• Lestu inn símsvarakveðjuna eftir að hljóðmerkið heyrist og veldu síðan #.
• Kveðjan er lesin upp. Annaðhvort geymir þú kveðjuna með því að velja # eða velja 1 til að hætta við og taka upp nýja kveðju.

Þegar verið er að setja upp svarhólf í fyrsta skipti þarf að velja lykilnúmer og lesa inn svarhólfskveðju.

• Hringja í viðeigandi svarhólfsnúmer 878-xxxx og ýta strax á # þegar svarað er.
• Beðið er um fjögurra stafa lykilorð. Þegar svarhólf er sett upp í fyrsta skipti er lykilorðið 9999.
• Þar sem svarhólfið er ekki uppsett gefst tækifæri til að lesa inn kveðju. Kveðjan má vera að hámarki 60 sekúndur.
• Slá inn # að lestri loknum.
• Hlusta á kveðjuna.
• Til að samþykkja þessa kveðju, veldu kassa (#) eða einn (1)1 til að endurtaka upptöku.
  Næst þarf að velja lykilorð, 4 tölustafi.
• Eftir að lykilorðið er slegið inn þarf að staðfesta með því að slá það aftur inn.
  Nýja lykilnúmerið er lesið upp.

Nú er uppsetningu lokið.

Þegar breyta á svarhólfskveðju eða lykilnúmeri er það gert á eftirfarandi hátt.

• Hringja beint í svarhólfsnúmerið 878-xxxx og ýta strax á # .
• Þá er beðið um fjögurra stafa lykilorð. (ef lykilorðinu hefur ekki þegar verið breytt er það 9999)
• Velja 3 til að breyta kveðju. Munið að endurtaka hana ef hún á að heyrast oftar en einu sinni. (Kveðjan má vera að hámarki 60 sekúndur)
• Velja 4 til að breyta lykilorði.
• Fylgja fyrirmælunum sem lesin eru.

‍

Auðveldasta aðferðin er sú að stimpla inn ##002# og ýta á „hringja“ takkann til að hringja. Einnig er hægt að gera þetta með aðgerð í símtækinu sjálfu.

Rétthafi getur látið loka fyrir hringingar úr símanúmeri (eða númerum) sem hann er skráður fyrir. Einnig lokast fyrir hringingar í 112.

Þú getur haft samband við Símann til þess að skrá bannmerkingu, breyta heimilisfangi eða eyða út upplýsingum úr upplýsingaveitugrunni. Einnig er hægt að hafa samband við viðeigandi upplýsingaveitu ef um sérstakar fyrirspurnir eru að ræða  t.d. skrá starfsheiti eða opnunartíma fyrirtækis.

Ef síminn þinn týnist eða þig grunar að honum hafi verið stolið skaltu hafa samband við þjónustuver Símans í síma 5506000 eða á netspjallinu til að tilkynna það. Þá lokum við á allar hringingar úr símanum til að koma í veg fyrir að hann sé notaður af öðrum aðila.

Utan afgreiðslutíma er hægt að hringja í 5509200 og lesa inn skilaboð um hvers vegna þú viljir loka fyrir notkun á símanum.

Athugaðu að rafræn skilríki á númerinu afvirkjast ef því er lokað.

Ef símanum þínum hefur verið stolið og þú vilt panta leit á honum, þarftu að byrja á því að fá lögregluskýrslu og koma með hana í verslun Símans. Við leitum eingöngu að símum sem eru með skráða þjónustu hjá okkur og leitin er gjaldfærð samkvæmt verðskrá. Athugið að aðeins er leitað að því hvort farsími er í notkun á öðru númeri en ekki staðsetningu tækisins.

Við bendum einnig á að þú getur skráð þig inn á iCloud eða Google aðganginn þinn til að sjá hvar tækið þitt er staðsett og læsa því í gegnum netið.

Þú velur *15# á símtækinu ef þú vilt :

• loka fyrir að hringingar séu fluttar í viðkomandi númer.
• loka fyrir hringingar frá leyninúmeri.
• loka fyrir að hringt sé í viðkomandi númer úr leyninúmeri.

Ef þú vilt aftengja velur þú  #15#

Mánaðarverð 100 kr.

Þjónustan er ekki í boði fyrir síma í beini (voip).