Einföld, örugg og fljótleg leið til að senda SMS á einstaklinga og hópa. Sendir SMS á allt að þúsund aðila í einu, innlenda sem erlenda. Haltu viðskiptavinum upplýstum um t.d. stöðu á afhendingu og á ný tilboð. Hægt að vista hópa, tímasetja sendingar og tengja þínum tölvukerfum.

Gæðavöktun (e. Cold Chain Management) gerir viðskiptavinum kleift að fylgjast með hitastigi og staðsetningu senda. Örsendum er komið fyrir í vörusendingum sem eru næm fyrir hitastigi á flutningsleiðum. Viðskiptavinur hefur svo aðgang að vefsvæði til að fylgjast með sendingum til að geta brugðist við ef eitthvað óvænt gerist.

Hlutanet (e.IoT) er í sinni einföldustu mynd kerfi nettengdra tækja sem hafa þann eiginleika að safna saman upplýsingum, skiptast á upplýsingum og senda þær áfram. Með hjálp hlutanets er hægt að bregðast fljótt við því sem gögnin sýna, finna ný tækifæri og ná fram auknu hagræði í rekstri.

Hægt verður að nota 5G til hluta sem áður hentuðu hefðbundnum nettengingum. 5G mun þannig vera umbreytandi afl í framleiðslu, snjallvæðingu borga, sjálfkeyrandi bílum, fjarstýrðum skipum, stýringu vélmenna og fjarheilbrigðisþjónustu.

Aukinn hraði mun einnig gera 5G að raunverulegum valmöguleika fyrir t.d. svæði þar sem ekki er aðgangur að ljósleiðara.