Í ár voru þrír nýir símar kynntir til leiks, Samsung Galaxy S23, Samsung Galaxy S23 Plus og Samsung Galaxy S23 Ultra. Allt eru þetta arftakar S22 línunnar sem kom í fyrra og það verður að segjast að uppfærslan á milli ára er kærkomin, allt möguleikar og uppfærslur sem nýtast okkur betur í leik og starfi.
Salan er hafin í vefverslun Símans.
Samsung Galaxy S23 og Samsung Galaxy S23 Plus
Á pappír er stóri munurinn á milli Galaxy S23 og Galaxy S23 Plus stærðin. S23 er með 6,1“ skjá á meðan Plúsinn er með 6,6“ skjá. Mörgum finnst 6,1“ vera hinn fullkomna skjástærð á snjallsíma en þó er það ekki tilfinning allra. Skjáirnir í báðum símum eru 1080P OLED með 120hz endurnýjunartíðni ásamt því að birtustigið í þeim getur farið upp í 1750 nits sem er talsvert betra en fyrri tæki.
Bæði tækin nota Snapdragon Gen 2 örgjörva með uppfærðu skjákorti og yfirklukkun sem skilar meiri hraða ásamt því að bæði tækin fá stærri rafhlöðu en fyrirrennarar þeirra en S23 er með 3,900mAh rafhlöðu á meðan S23 Plus er með 4,700mAh rafhlöðu en með stærri rafhlöðum og enn betri orkustýringu örgjörvans ásamt stærri kælingu ætti rafhlöðuending að vera sérstaklega góð í ár.
Tæknilega séð eru myndavélarnar að aftan á S23 og S23 Plus þær sömu og á Galaxy S22 en myndstýringin á hinum nýja örgjörva bætir þó myndgæðin. Í myndavélum snjallsíma nútímans er það ekki megapixla talan sem skiptir mestu heldur hvað gerist bak við tjöldin í myndflögum og hugbúnaði áður en við sjáum myndina á skjánum.
Sjálfumyndavélin er uppfærð er nú 12 megapixlar með sjálfvirkum fókus og möguleika að taka myndbönd í HDR á 60 römmum á sekúndu.
Fagurfræðilega séð er S-línan frá Samsung árennilegri en nokkru sinni fyrr. Myndavélarnar eru sléttar að aftan og þeir eru fallegir í hendi og ekki sleipir þannig að þeir ættu ekki fljúga úr hendi þinni. En ef það gerist eru tækin með Gorilla Glass Victus 2 sem eykur þol þeirra við höggum talsvert.
Samsung Galaxy S23 Ultra
Snúum okkur nú að Ultra tækinu, því stærsta og besta sem Samsung býður upp á. Samsung Galaxy S23 Ultra er með stórum 6,8“ skjá sem styður bæði 1440p upplausn og 120Hz endurnýjunartíðni og skjárinn litaleiðréttir sig eftir því við hvaða birtuskilyrði þú ert að horfa á hann sem einnig eykur rafhlöðuendingu. Örgjörvinn er uppfærður sem mun skila meiri hraða, betri rafhlöðuendingu og fumlausum aðgerðum í alla staði. Rafhlaðan sjálf er svo 5000mAh.
En það eru myndavélarnar sem láta S23 Ultra skína skært. Aðal myndavélin á tækinu er 200 megapixlar og hinar þrjár (já, það eru fjórar myndavélar) eru 12 megapixla víðlinsa, 3x aðdráttarlinsa og 10x aðdráttarlinsa og sjálfuvélin að framan er 12 megapixlar.
S23 Ultra getur tekið ljósmyndir við léleg birtuskilyrði með enn betri hætti en áður ásamt því að geta tekið upp myndbönd í 8K í 30 römmum á sekúndu, 4K myndbönd í 30 og 60 römmum á sekúndu, 1080 FullHD myndbönd í 30,60 og 240 römmum á sekúndu ásamt HDR10+ stuðningi.
Samsung S23 Ultra er svo með S-Pen, pennann sem mörg elska allt frá tíma Galaxy Note snjallsímanna sem áttu stóran aðdáendahóp og geta illa lifað án þess að hafa penna í símanum.
