Bætt fjarskipti við Svartsengi

Enn og aftur eru jarðhræringar á Reykjanesi og búið að lýsa yfir óvissustigi á svæðinu. Fjarskipti eru mikilvægir innviðir og því er það skylda okkar hjá Símanum að séum undirbúin undir þær fjölmörgu sviðsmyndir sem vísindafólk hefur sett fram.

‍
Ein af þeim sviðsmyndum sem gæti raungerst er að upp komi eldgos í námunda við Svartsengi en þar er orkuver HS Orku sem einmitt situr á Illahrauni sem rann árið 1226. Orkuver eru samfélagslega mikilvægir innviðir og því höfum við átt í mjög góðu samstarfi við HS Orku síðustu daga til að tryggja að fjarskipti á starfssvæði þeirra við hinar ýmsu aðstæður. Bætt hefur verið varaleiðum fyrir fjarskipti, settir hafa verið upp nýir farsímasendar og aðrir uppfærðir ásamt því að örbylgjusamband hefur verið sett upp til að tryggja öryggi starfsfólks, vegfarenda og viðbragðsaðila á svæðinu ef eldgos hefst í námunda við orkuverið.

‍
Með því að tryggja öryggi okkar innviða á svæðinu gerum við HS Orku einnig kleift að fjarstýra orkuverinu í Svartsengi frá Reykjanesvirkjun ef rýma þarf Straumsengi og munum áfram fylgjast með stöðu mála og gera allt sem í okkar valdi stendur til að tryggja öryggi okkar innviða á svæðinu.