Besta upplifunin á farsímakerfi Símans

Fjarskiptastofa kynnti nýverið niðurstöður gæðaprófunar á farsímakerfum á Íslandi sem unnar voru af óháðum aðila, þýska sérfræðifyrirtækinu Rohde & Schwarz. Niðurstaða þeirra sýnir að farsímakerfi Símans kemur best út úr þessum óháðu rannsóknum sem byggja á samræmdum og stöðluðum prófunum ásamt því að staðfesta ágæta stöðu þessara mikilvægu innviða á landinu.

‍
Prófunin náði til rúmlega 90% byggðra svæða landsins og óku sérfræðingar Rohde & Schwarz yfir 9 þúsund kílómetra þar sem rauntímamælingar voru gerðar samtímis og þannig hringdu þau yfir 17 þúsund símtöl og gerðu yfir 160 þúsund gagnaprófanir en við prófanirnar er líkt eftir hefðbundinni notkun viðskiptavina. Þessar stöðluðu prófanir gefa í lokin heildareinkunn og þar stóð Síminn uppi sem sigurvegari.

‍
Gæðaprófunin staðfestir einnig að farsímakerfi á Íslandi standast vel alþjóðlegan samanburð sem er mikið gleðiefni þar sem Ísland er strjábýlt og náttúra landsins gerir oft uppbyggingu fjarskiptakerfa kostnaðarsamari og flóknari en ella. Rohde & Schwarz skiluðu einnig tillögum að úrbótum sem eru kærkomin endurgjöf frá sérfræðingum sem þessum.

Berglind Björg Harðardóttir, framkvæmdastjóri Sölu og þjónustu hjá Símanum
„Við hjá Símanum erum afskaplega stolt með þessa útkomu óháðra aðila. Uppbygging farsímakerfa er langhlaup sem aldrei endar og við erum alltaf að leita leiða til að bæta upplifun viðskiptavina okkar en þessar prófanir veita okkur dýrmæta endurgjöf um stöðu innviða okkar. Samhliða frekari uppbyggingu 5G munum við ásamt okkar frábæru birgjum Mílu og Ericsson rýna niðurstöðunar og sjá hvernig við getum gert enn betur.“