Heima er best í Sjónvarpi Símans

Þegar höfuðættarinnar fellur frá taka við nýir tímar í lífi þriggja ólíkra systkina. Rótgrónu fjölskyldufyrirtæki og sumarhúsi sem reist var frá grunni þarf að skipta upp og finna farveg út frá nýjum viðmiðum og gildum. En það sem átti að sameina sundrar, og vandamálin sem koma upp þegar systkinin fara að deila sín á milli arfleifð föðursins verða ekki flúin.  

„Það er alltaf mikil eftirvænting þegar við fáum nýjar leiknar íslenskar þáttaraðir inn á borð til okkar. Heima er best er bæði vönduð og spennandi þáttaröð sem við bindum miklar vonir við en viðskiptavinir okkar eru alltaf þakklátir fyrir íslenska kvikmynda- og þáttagerð. Þetta er fjölskyldusaga um meðvirkni, leyndarmál, græðgi og ást sem margir íslendingar tengja við“ segir Birkir Ágústsson dagskrárstjóri innlenndrar dagskrárgerðar hjá Símanum. 

Með aðalhlutverk fara Hanna María Karlsdóttir, Pálmi Gestsson, Vignir Rafn Valþórsson, Þuríður Blær Jóhannsdóttir og Tinna Hrafnsdóttir. Tinna leikstýrir þáttunum og skrifar handritið ásamt Ottó Geir Borg og TyrfingiTyrfingssyni.

"Hugmyndin að seríunni kviknaði fyrir um sex árum síðan þegar ég heyrði setninguna "þú þekkir ekki manneskju fyrr en þú hefur skipt með henni arfi" sem ég veit að margir tengja við. Sögur sem spegla það sem við þekkjum og varpa ljósi á aðstæður sem geta afhjúpað hver við raunverulega erum og af hverju, hafa alltaf heillað mig svo úr varð þessi fjölskyldusaga sem má segja að spretti beint upp úr íslenskum veruleika" segir Tinna Hrafnsdóttir.

Þættirnir eru sex talsins og mun einn þáttur koma út á viku, sá fyrsti eins og áður segir, fimmtudaginn 2. nóvember.

‍