Örugg og fyrirsjáanleg fjarskipti

Með fyrirtækjapakka Símans geta öll fyrirtæki óháð stærð fengið fyrsta flokks netþjónustu þar sem öryggismálum er tvinnað saman við hin hefðbundnu fjarskipti.

„Við gerum öll kröfu á að netið sé í lagi og sinni þörfum okkar. Vinnustaðir eru flestir háðir netinu í dag til að geta sinnt hlutverki sínu, því skiptir máli að uppsetning og öryggi þjónustunnar sé fyrsta flokks svo starfsemi truflist ekki. Þess vegna settum við saman fyrirtækjapakka Símans, pakkinn setur netöryggi og yfirsýn notenda yfir nettengdan búnað í forgang.“ segir Akureyringurinn Hjörtur Þór Bjarnason, vörustjóri fyrirtækjalausna Símans.

Rafrænt öryggi hefur aldrei skipt meira máli en nú þegar kemur að rekstri fyrirtækja. Mikill vöxtur hefur verið á netárásum ýmiskonar þar sem t.d. er reynt að lama þjónustur viðkomandi fyrirtækja með ýmsum hætti eða komast yfir fjármuni. Ekkert okkar er óhult fyrir slíku, öll nettengd tæki sem og notendur eru skotmörk og því skiptir máli að efla varnir fyrirtækja og setja upp öflugan búnað og hafa virkt eftirlit.

Fyrirtækjapakki Símans er einmitt slík þjónusta þar sem öll fjarskipti fyrirtækja og netöryggi er saman í einum pakka á föstu mánaðargjaldi.

„Grunn fjarskiptaþjónusta er í eðli sínu einföld, en hana þarf að setja rétt upp. Uppsetningin á fyrirtækjapakkanum okkar er innifalin. Sérfræðingar Símans setja upp allan búnað og tryggja að allt virki rétt. Við setjum upp næstu kynslóðar eldvegg sem ver fyrirtæki fyrir óværum og árásum. Öryggisuppfærslur eru innifaldar og þjónustan er undir stöðugri vöktun allan sólarhringinn hjá Símanum.“ segir Hjörtur og bætir við að einnig fáist fullkomin yfirsýn yfir nettenginguna og þannig sjáist um leið og eitthvað eitt tæki sé t.d. sýkt af óværu. Sýkta tækið er þá útilokað frá frekari samskiptum við netið og minnkar þannig þann skaða sem annars gæti orðið.

Ef eitthvað kemur upp á er varaleið yfir öflugt 5G og 4G kerfi Símans innifalin í fyrirtækjapakka Símans. „Við getum svo sérsniðið fjarskiptaþjónustu og varaleiðir um heim allan. T.d. yfir gervihnetti og þannig boðið gagnatengingar eða farsímasamband um borð í skipum eða minni bátum, og í raun hvar sem er í heiminum. Það leynist ótrúleg þekking innan Símans, fjarskipti eru okkar fag og svo má ekki gleyma að við eigum í frábæru samstarfi við Ericsson, Fortinet, Cisco og fleiri birgja og sérfræðingar okkar eru í stöðugri endurmenntun“ segir Hjörtur og bætir við að það sem var öruggt og gott í gær þarf ekki að vera öruggt og gott í dag. „Þetta er endalaus eltingaleikur sem þarf að sinna. Við hjá Símanum ætlum að hlaupa með fyrirtækjum og heimilum í landinu og þannig færa þeim fyrsta flokks fjarskiptaþjónustu sem sé örugg og nútímaleg.“